index

2 Coca Cola mót FH

Wed, 23 May 2012 16:32:15 +0100

Hefst:30.05.12
Staður:Kaplakriki
Tímaseðill:17.30
Keppnisgreinar:
-Sleggjukast Kvenna
-Kringlukast Stúlkna 600gr
-Spjótkast Kvenna

Ábyrðarmaður er Eggert Bogason
Yfirdómari: Sigurður Haraldsson

1 Coca Cola mót FH

Wed, 23 May 2012 16:32:25 +0100

Hefst:25.05.12
Staður:Kaplakriki
Tímaseðill:17.30
Keppnisgreinar:
-Sleggjukast Kvenna
-Kringlukast Stúlkna 600gr
-Spjótkast Kvenna

Ábyrðarmaður er Eggert Bogason
Yfirdómari: Sigurður Haraldsson

JJ mót Ármanns

Mon, 21 May 2012 15:44:38 +0100

JJ mót Ármanns verður haldið næskomandi fimmtudag nánar hér

Flottur árangur í Skólaþríþraut FRÍ

Sat, 05 May 2012 17:30:57 +0100

Úrslitakeppni í Skólaþríþraut FRÍ 2012 fór fram í Frjálsíþróttahöllinni í Laugardal í dag. Alls voru keppendur 73 og áttum við FH-ingar góðan hóp keppenda sem allir stóðu sig frábærlega en þau eru: Guðbjörg Bjarkadóttir, Ingibjörg Patricia, Örvar, Guðný Sig, Gréta Örk, Hrafnhildur, Þórdís Eva, Daníel Ingi og Hinrik Snær. Með hópnum var Elísabet þjálfari. FH átti 3 sigurvegara samanlagt: Guðbjörg (13. ára stúlkur), Daníel Ingi (12. ára piltar), Þórdís Eva (12. ára stúlkur) og 2 í öðru sæti, Örvar (13. ára piltar) og Hinrik Snær (12.ára piltar) og 1 í þriðja sæti, Guðný Sig (12.ára stúlkur). Margar frábærar bætingar náðust og margir náðu verðlaunasætum í einstaka greinum. Greinilegt er að krakkarnir eru í þrusu formi og með frábæra þjálfara. Gaman verður að fylgjast með þeim í sumar. Til hamingju allir. Nánari upplýsingar um úrslit er hægt að sjá hér

Víðavangshlaup Hafnarfjarðar úrslit

Thu, 19 Apr 2012 18:29:20 +0100

Víðavangshlaup Hafnarfjarðar fór fram á sumardaginn fyrsta ,19 apríl á Víðistaðatúni. Keppendur voru rúmlega fimmhundruð og fimmtíu í 14 flokkum. Emil Stefánsson var fyrstur í mark í flokknum 15-20 ára karla og Margrét Rósa Halfdánardóttir fyrst í 15-20 ára kvenna. Veðrið var gott þó ekki hafi verið heitt. Frjálsíþróttadeild FH sá um framkvæmd hlaupsins. Verðlaun voru gefin af Hafnarfjarðarbæ. Allir keppendur fengu verðlaunapening og fyrstur í mark í hverjum flokki fékk fékk bikar. Keppni var hörð og góð í öllum flokkum. Fyrstu þrjá í hverjum flokki ásamt tímum í elsta flokknum má skoða hér.

Óðinn með 20.22m og Ólympíulágmark

Sat, 31 Mar 2012 21:07:47 +0100

Óðinn Björn Þorsteinsson úr FH var að ná Olympíulágmarki á Coca Cola móti FH innanhús í Kaplakrika. Óðinn Björn varpaði kúlunni 20,22 m og bætti sinn besta árangur um tæpa 40 sentimetra. Mikil stemming var í Kaplakrika og var hann vel studdur af fjölmennum hópi áhorfenda. Glæsilegur árangur og er hann 3. besti kúluvarpari Íslands innanhúss. Fór Óðinn upp fyrir frænda sinn Óskar Jakobsson með þessu kasti og er að nálgast verulega bæði Pétur Guðmundsson og Hrein Halldórsson. Þá setti Sveinbjörg Zophoníasdóttir FH, Hafnarfjarðarmet í kúluvarpi kvenna innanhúss varpaði kúlunni 13,27 m. Góður árangur hjá upprennandi sjöþrautarkonu og sjötti besti árangur íslenskrar konu innanhúss.

Afrekaskrá karlar innanhúss
Kúluvarp innanhúss.
1. Pétur Guðmundsson HSK 20,66 m 03.11.1990 Íslm.
2. Hreinn Halldórsson KR 20,59 m 12.03.1977
3. Óðinn Björn Þorsteinsson FH 20,22 m 31.03.2012
4. Óskar Jakobsson ÍR 19,87 m 1982

FH Íslandsmeistari félagsliða í 11-14 ára flokki

Sun, 26 Feb 2012 19:25:40 +0100

FH-ingar urðu í dag Íslandsmeistarar félagsliða í 11-14 ára flokki. Fjölmargir Íslandsmeistaratitlar og góðar bætingar litu dagsins ljós og unnu krakkarnir 3 aldursflokka og heildarstigakeppnina með 432 stig, lið ÍR varð í öðru sæti með 422 stig og HSK/Selfoss í þriðja sæti með 336,8 stig. Við viljum óska krökkunum til hamingju með fábæra helgi og er þetta merki um hversu gott starf er unnið í félaginu. Áfram FH!!

FH Bikarmeistarar innanhúss og Íslandsmet í 400m

Mon, 20 Feb 2012 17:46:10 +0100

FH varð Bikarmeistari innanhúss. Karlalið FH vann stigakeppnina nokkuð örugglega og unnu 8 titla af 12 mögulegum. Konurnar stóðu sig einnig vel og urðu í 3 sæti, aðeins 2 stigum á eftir liði norðurlands. Í heildina vann FH með 107 stigum en lið ÍR varð í öðru sæti með 102,5 stig og vann einnig kvennakeppnina. Trausti Stefánsson setti glæsilegt Íslandsmet í 400m og hljóp á 48.05sek sem er góð bæting hjá honum. Öll úrslit af mótinu má skoða hér. Við viljum óska FH-ingum til hamingju með glæsilegan árangur. Áfram FH!!

Flottur árangur á MÍ 15-22 ára

Mon, 06 Feb 2012 22:27:02 +0100

Meistaramót 15-22 ára fór fram síðast liðna helgi. Krakkarnir stóðu sig mjög vel, margir titlar og margar persónulegar bætingar. Hér er hægt að skoða úrslit af mótinu og einnig er hægt að skoða flottar myndir sem Gunnlaugur Júlíusson tók af mótinu hér

Íslandsmet í 400m hlaupi

Tue, 31 Jan 2012 12:52:53 +0100

Trausti Stefánsson úr FH setti glæsilegt íslandsmet í 400m hlaupi á Stórmóti ÍR í dag. Trausti hljóp á 48.23 sek, en annar í hlaupinu var Ívar Jasonarson ÍR á 48.53 sek sem einnig er bæting. FH-ingar áttu fjölmarga þátttakendur á mótinu og stóðu allir sig mjög vel og margir í bætingarham eða við sinn besta árangur og megum við vera stolt af okkar fólki. Hér er hægt að skoða öll úrslit af mótinu.